Stjórnin ofl voru á ferð í Grafará 6. til 7. ágúst. Ætlunin var að ná í eitthvað af hinni frægu sjóbleikju en lítið fór fyrir því. Ósinn og pollarnir þar fyrir ofan voru barðir sundur og saman og ekkert sást af sjóbleikju.
Helst má ætla að hún hafi lagt ugga undir sporð og strunsað upp eftir allri á. Einnig var áin frekar vatsnlítil og gæti það hindrað bleikjuna í að ganga upp ána.
Ákveðið var að kíkja upp í ána og byrjuðum við á veiðistað sem merktur er 20. Þar ákvað Formaðurinn að prófa að elta bleikjuna andstreymis og setti fékk fljótlega góða töku. Heldur varð hann undrandi þegar á land skoppaði 3ja punda spikfeitur staðbundinn urriði enda þótti hann taka frekar fast á móti veiðimanninum.
Bomber rauk niður alla á og kastaði hægri vinstri og varð lítið var og sama má segja um aðra veiðimenn.
Drési kom fljótlega að ansi álitlegum hyl og ákvað hann að renna maðkinum þar ofan í og setti þar í 4ra punda lax í öðru kasti og eftir snarpa og erfiða viðureign handtók hann laxinn og sveiflaði í land enda aðstæður til löndunar erfiðar og hann einn á svæðinu. Í sama mund hringdi Formaðurinn í hann og fékk ekkert nema öskur og köll í símann og mátti helst ætla að lax hefði veiðst.
Formaður og Stjórnarformaður ákváðu að kíkja á Drésa enda stutt frá og þegar að var komið var stöngin kengbogin og önnur hörkuviðureign í algleymingi. Hófst þá myndataka mikil og upptaka og vondandi fá lesendur að sjá afrakstur þess fljótlega.
En Grafará er mjög falleg á og gaman að veiða þarna nema hvað betra hefði verið að hafa eitthvað af sjóbleikju í ánni og einnig að vera með skemmtilegri veiðifélögum.
/Óli